Main Menu

زبیر مختار

شپ ءَ روچ کن برو

سهڑ ینگ اِے دل ءِ چُشیں گرانیں غمے نہ اِنت
بس دامن ءَ شہار، شپ ءَ روچ کن برو

انوں پہ درد ءِ انگریں باندات ءَ غم مہ کن
چے بیت پدا مچار، شپ ءَ روچ کن برو

شپ صد هزار گونگیں رازانی پردگ اِنت
امروز ءِ رازدار، شپ ءَ روچ کن برو

چو مهلہ سر مہ گر کہ کُشیت ایوکی من ءَ
کمّو دل ءَ بدار، شپ ءَ روچ کن برو

هو گوں زبیر ءَ سالے نہ اِنت یکیں شپ پتو
پُلّانی دزگہار، شپ ءَ روچ کن برو

اے تاک ءَ سوشل میڈیا ءَ شنگ کنئے