Main Menu

سر گوست ۔ نور بشام

یک رندے من گوں لھتیں سنگت ءَ شت آں گوں کوہ ءَ کہ سیدی گوشت ءُ ھڈ ءِ چنان ءُ وران گوں گڑا من وَ ھمے سید ءِ شکار ءِ کار ءَ سک سست ات آں بلے ھمبراھاں گوں ھمبراہ بوت شتان گوں ۔
ما آتک ایں مگرب ءَ یک جاھے کہ نام ئِے کشوم ءِ تاپ ات ھمے تاپ ءِ برز ءَ تر ءَ یک شیپے ھست ات ما شپ ءَ ھمد ءَ نانے پتک ءُ وارت وپت ایں مئے شکاری ءَ مردم بھر ءُ بانگ کت انت کہ باند ءَ سھب مھلو دو مردم پلاں ساھگ ءَ بروت دو پلاں تاپ ءَ دو پلاں پاس گاہ ءَ۔
سھب کہ بوت ھر کس پہ وتی نیمگ ءَ رھادگ بوت من ھم گوں ھمے تورم ءَ گوں دو نپر ءَ ھمراہ بوت ءُ شتان گوں ما کوہ پہ کوہ ساھگ پہ ساھگ ءُ دمگ بوت ایں ما سید نہ دیست شپ ءَ ما درست کشوم ءِ مچانی آپ جاہ ءَ دراھی ءُ بوجو ات ایں۔
ما شت ایں وتی دراھی ءِ جاہ ءَ کہ اولی مردم ما بوت ایں ما دار چت ءُ ورے اڈ کت آرتے لیس دات ور ءَ کت کہ مئے ھمراہ آیان بوت انت۔
داں ھرکس کہ آتک گوں ھالیگیں دستان ات بزاں کس ءَ سید نہ جتگ ات بلے مئے دو ھمراہ ءَ مارا گوشت کہ ما سید دیستگ انت ءُ مارا ڈوک نہ رس اِتگ پہ سیدانی جنگ ءَ۔
ما سید واپینتگ انت ءُ نوں آتک ایں ھیر ما پرانیگ کش ات ءُ وارت گڑا مئے ھمراھاں شور ءُ سلاہ کت کہ شپ ءَ رو ایں ھما سیدانی نزیک گور ءَ جاھے وپس ایں ءُ سھب ءَ رو ایں پہ پاس گاہ ءَ سیدانی جنگ ءَ ما گوشت شر اِنت ما چہ کور ءَ برز ءَ بوت این ءُ ھما آتراپ ءَ جاھے کور ءِ تہ ءَ وپت ایں سھب کہ بوت ما سر کپت ایں کوہ سر ءَ داں دور گند کت ھو سید ھما دستی تاپ ءِ شیپ لمب ءَ چگرداں چرگ ءَ انت ءُ لھتیں ھمے نیمگ ءَ دومگکے ھست ھمے دومگک سر ءَ وپتگ انت ما نِشت ءُ نِشت اے سید چہ اے جاہ ءَ نہ سر انت مارا دمبرت روچ ءَ شر کش اِت ءُ برز بوت گڑا وپتگیں سید پاد آتک انت ءُ تاپ ءِ دیم ءِ سید ایر کپت اَنت ءُ ھمے دستی نیمگ ءَ در رِچان بوت انت بلے نی سید شر زاھر اِت انت مئے کر ءَ بلے بزاں سک دور اِت انت ما وتی شکاری ءَ گوشت کہ تو وڑے بہ کن شکاری ءَ گوشت کہ نا نہ بیت کہ سید سک دور انت ءُ سید ءَ ڈوک پر نیست جاہ اش ھم سک نہ گوم انت۔
مئے دومی شکاری ءَ درائینت کہ ما شما چوش کن ایں شما ھمد ءَ بجل ات ما دو نپر رو ایں چہ اے کوہ ءَ ایر کپ ایں ءُ پہ شیپ ءَ برزاد بہ ایں ءُ رو ایں چہ سیدان ءُ ھما نیمگی کوہ سر ءَ شما اے دست ءَ ءُ ما آ دست ءَ اے سیداں ھمد ءَ یکجاہ جن ایں ءُ جوکین ایں۔
من ءُ مئے ھمے دومی شکاری جنان ءُ پروشان بوت این ءُ شت ایں داں ھما نیمگی کوہ سر ءَ داں چار ایں کہ سرجمیں مردم ھمے کوہ ءَ چہ ھما نیمگ تچگ ءُ روگ انت ما شُول کت کہ ھاں شمارا ھیر انت گوشت اش کہ سید شتگ انت۔
ما گوشت نوں گڑا !!! آیاں گوشت کہ سیدانی دمب ءَ رو این گوں سر اش کپ ایں
ما شت شت آکر ءَ تست ءُ کپت ایں سیدانی نریات ما نہ دیست مارا تن ءَ شر ھلا ھوش کت ءُ شد ءَ ھم کوشاپے کش اِت۔
پد ءَ واتر جنان ءُ چوپان گوں ھالیگیں دستاں میتگ ءَ آتک ایں مردماں گوشت ھاں شکاریاں شما سید جت باریں ؟ ما کہ کسہ آورت انت مئے میتگ ءِ شکاری ءَ کند اِت ءُ گوشت کہ شما زھم جتگ سیدانی جنگ اگاں پہ چو بہ بوتیں گڑا ھرکس ءَ سید جت درستاں مارا کند اِت پر
ما وتیگ ءَ وت پشل بوت ایں۔

اے تاک ءَ سوشل میڈیا ءَ شنگ کنئے


« ( (Previous Post) پشتءِ نبشتانک )
((Next Post) دیمءِ نبشتانک ) »



Leave a Reply

Your email address will not be published. Required fields are marked *