Main Menu

مئےھمساھِگ ۔ پیرک دشتی


آئی ءَ ائیدءِ روچ ءَ جان شُشتگ اَت نوکیں پوچ ءُ پوشاک گورا کُتگ ات اَنت ءُ دیم پہ ائیدگاھے نیمگ ءَ نماز وانگ ءَ جھلاد ءَ بلے آ کہ وھد ءِ ائیدگاھے گورا سر بیت نماز ھم ھلاس بیتگ اَت ءُ آئی ءَ پد ءَ واتر کُرت ءُ دیم پہ وتی گِس ءِ نیمگ ءَ جھلاد اَت آھانی ھمساھِگ گریب ءُ مسکین اِت اَنت آئی ءَ اناگہ چم شانک دات اَنت چار اِت ئے آئی ءِ ھمساھگ ءُ ھم اُمر مجیب ھمیشانی لوگ ءِ کَش ءَ دوشیگیں ریتکگیں بٹ ءَ آں چِنگ ءُ تیلی ءَ کنگ ءَ اَت آئی ءَ باز اپسوز وارت۔۔

ءُ شُت مجیب ءِ گورا جُستے گپت ئے تو اے دوشیگیں بٹاں چی کن ئِے آئی ءَ پسو دات کہ ما شُدیکیں مئے لوگ ءَ آس روک نہ بیت راشن نیست من ءُ منی گُھارُک ءُ منی مات ایشاں وریں آ سک بژنیگ بیت یکے وَ آ مجیب اَت ائید ھم نباہینتگ اَت چمپل پاداں نیست اَت ءُ گُدی دیرتگ اِت اَنت۔۔۔

دومی اے ائید ءِ وشیں روچاں پہ شُدیکی گُڑا آ شُت مجیب ءِ گِس ءَ توار ءِ جَت ءُ گوں وت بُرت ئِے گِس ءَ ورگ دات ئِے مجیب ءَ ورگ زُرت ءُ پہ دِرک وتی گِس ءَ شُت آئی ءَ ھم تاھیر نہ اَتک ءُ وتی سنگت اِنایت ءِ گِس ءَ شُت سر بیت داں اِنایت نشتگ گوں وتی کُٹم ءَ ٹھکگ دیگ ءَ اِنت آئی ءَ توار جَت بَلے اِنایت آھگے وڑ ءَ نہ اَت دومی رَند ءَ پد ءَ آئی ءَ توار جت گُڑا اِنایت ءَ پسو دات کہ بیا گِس ءَ آئی ءَ پسو دات تو بیا کمو من انو اشتاپی ءَ اِنایت اتک ھر دو بگل جوڑی بیت ءَ آں سلام ءُ دْروت ءَ چہ پَد آئی ءَ گْوشت اَنایت ترا گپ ءِ بگش آں اَنایت ءَ پسو دات ھو بگوش باریں گپ ءَ آئی ءَ گپ بندات کُرت ءُ گْوشت ئے من شُتگ بیتگاں ائید گاھ نماز وانگ ءَ اود ءَ سر بیتگاں نماز واہ ھلاس بیتگ اَت پد ءَ واتری وتی گِس ءَ آیگ ءَ بیتگ آں مئے ھمساھِگ مجیب من دیستگ بزا مئے لوگ ءِکَش ءِ دوشیگیں ریتکگیں بٹاں چِنگ ءُ تیلی ءَ کنگ ءَ اَت من جُست ھم کُرت گْوشتگ ئِے کہ ما وت ورنے کہ مئے گِس ءَآس روک نہ بیت ءُ راشن ھم نیست گُڑا من مجیب وتی لوگ ءَ بُرت کمو ورگ دات۔۔۔۔

بَلے من اتکگ ءَ آں تئی گورا بیا من ءُ تو ھور بہ ایں مجیب ءِ مدت ءَ کنیں اَنایت ءَ کہ اے ھبر اِش کُرت اَنت ءُ چمانی ارس پٹ پٹ ءَ رچگ ءَ اِتاں ءُ اِنایت ءَ پہ بئے وانکی گْوشت منی پت ءَ منی واستہ ءَ دو جوڑی گُد زُرتگ من یک جوڑی دیان ئِے آئی ءَ گْوشت کہ منی پت ءَ ھم دو جوڑی چمپل زُرتگ پت ءَ گْوشتگ من ءَ کہ تو یک جوڑی پَسند کن بزور ءُ دومی جوڑی ءَ ائید ءَ بائد دُکان والا ءَ دیان ئِے من گُڑا ھمے دومی جوڑ ءَ چمپلاں دیانے
دوئین ھور بیت ءَ آں شُتاں مجیب ءِ کمپان ءِ دروازگ ءِ دپ ءَ آیاں توار جَت ءُ گُد ءُ چمپل دات اَنت اِش مجیب بیچارگ چنچو گل بیت ءُ پہ ایشاں دوا ءُ ھیر لوٹگ ءَ اَت۔۔۔۔

اے تاک ءَ سوشل میڈیا ءَ شنگ کنئے


« ( (Previous Post) پشتءِ نبشتانک )



Leave a Reply

Your email address will not be published. Required fields are marked *