Main Menu

کج اِنت آبوکج اِنت آشوکج اِنت – گلام اومان

کج اِنت آبوکج اِنت آشوکج اِنت ماھوگلیں ماھکاں
کجایاں دُردپیں ھمراھ کج اَنت مئےدوستیءُ دیواں

کج اِنت شمسی شلی توتی کج اَنت شاریءُ بکتاور
کجا رپتاں دلی دوزواھ نباں گندگ پرے دمکاں

بُشوھازاں کجا باریں وتی ھمراھاں دل داریں
کجایاں آنباں گندگ دریں ملکے شتءُ رپتاں

ھبرچہ ھلوتءَ گوستءَ نوں سبرءِآپ سرءَرستءَ
نہ منّاں من نہ منّیت دل وتی شوھازاں من دوستاں

نہ ترْکیت باتنءَ چوں دل نہ گنداں من درےپہ وت
وتی اُمرءِبھاریں روچ جلءُ آسءُ پُراں داتا ں

تہ کد اُمیتءَمن ننداں گِسرچہ شادھءِ روچاں
جِتایک جنگلے ھُشکیں نہ دْرچکءُ ساھگے گنداں

گلام زئیراں کتگ سرین پروش ءُچماں ھون پیداکیں
زبانءَ بس ھبر یکیں منی ماتیں بلوچستاں

اے تاک ءَ سوشل میڈیا ءَ شنگ کنئے


« ( (Previous Post) پشتءِ نبشتانک )



Leave a Reply

Your email address will not be published. Required fields are marked *