Main Menu

کپوتاں اَرز منی ایش اِنت – رھمن نثار

کپوتاں اَرز منی ایش اِنت
مہ نال اِت کہ دلوں ریش اِنت

مہ ٹوهین اِت  کمار چمّ ءَ
وتی رنجاں گُلائیش اِنت

امُلّ وپتگ  هزار نازیں
اگاں ‌پاد ئیت غم‌ اندیش اِنت

شُمے کوکو  کپوتانی
چہ اوپار ءَ گُل ئے گیش اِنت

سُبَک وابیں پری رنگ ءَ
دمے بِلّ اِت کہ ھاموش اِنت

اِد ءَ  حونانی دریا اِنت
اِد ءَ مهر ءِ هلاهوش اِنت

اِد ءَ کُوّاس ءُ شَهزانـت هم
نزانتکارے ءُ دربیش اِنت

عجب دؤرے  نثار اتکگ
چو بیگانگ وتی هیش اِنت

اے تاک ءَ سوشل میڈیا ءَ شنگ کنئے


« ( (Previous Post) پشتءِ نبشتانک )
((Next Post) دیمءِ نبشتانک ) »



Leave a Reply

Your email address will not be published. Required fields are marked *