Main Menu

بانُک ھانی گُل ءِ کلوہ ءَ پد ۔ پیرُک دشتی

دل گُشیت چار دانک مُدام پہ وتی ءُ وتی بزگیں راج ءِ ھاترا نبشتہ بکن آں بلے دوزھیں لاپ ءِ جَل ءَ من ءَ ھنچو ایرجیگ کُتگ کہ چم وتی جِند ءِ ساھگ ءَ میم نہ بنت نُک ھُشک ءُ کلنڈاِنت ءُ مجگ تکانسریں۔

یک روچ ءِ من وتی ھروچی ایں نہ گِشینتگیں کاراں وت ءَ گِشینت ءُ وتی ڈَلداتگیں کوٹی ءَ نِشتگ اِتاں ءُ گوانکو منی دست ءَ ات ءُ وٹس ایپ ءَ گوں سنگتاں گپ ءُ دیوان ءَ اِتاں کہ اناگہ سنگتے ءَ یک توار بند ءِ روان دات ءُ توار بند ءِ جھل ءَ بانُک ھانی گُل نبشتہ اَت۔

من توار بند پچ کُت بُانکیں گُھار ءِ توار ءَ گوشداران بیتاں بانُکیں گُھار یک نیمگے وتی بے وسیں راج ءَ دستبندی ءُ دلبڈی دیان اَت ءُ یک نیمگے وتی بے دروریں ءُ گوھریں پنتاں پہ آزاری درشانگ ءَ اَت ءُ منی مارگانی مارِشت گُشے اے دمان ءَ اِشکیل اِتاں بلے ھنچو سما بیت کہ بُلبِلے ماں سُتکگیں جَنگلے ءِ ویرانگاں کپتگ ءُ مارتوسَگ اِنت ءُ پہ بھاراں شیزارگ اِنت بلے وتی نا اُمیتے ءِ باریگاں ایرجیگ نہ اِنت۔

من جزماں کہ بانک ءِ دوئیں دانکانی کِشتگیں توم تِج کننت ءُ رُدنت ءُ سبز ءُ گُلگرک بنت پہ راج ءَ میزران بنت۔
منی گُھار بانُک ھانی گُل سلامت بات ئے

اے تاک ءَ سوشل میڈیا ءَ شنگ کنئے


« ( (Previous Post) پشتءِ نبشتانک )
((Next Post) دیمءِ نبشتانک ) »



Leave a Reply

Your email address will not be published. Required fields are marked *