Main Menu

گیدی کسہ ءُ داستان – الی جما زامرانی

گیدی کسہ گِھ ءُ منگھیں راج ءُ پُر گنجیں دلانی یات ءُ راجانیء راجدپترءِ یک بھرے زانگ بنت، کسہ ءُ داستان راجانی راجدپتر ءُ شکلیں بیان انت ھمک راجانی بندری راجدپتری نمرانیں داستان انت ءُ بلوچی گیدی کسہ بلوچی زبان ءِ ادب ءِ گاریں گنج انت کہ مارا وتی اے گراں بھائیں ھزانہ ءِ شوھازگ ءُ نزآرگ ءُ دیم ءَ آیگ لوٹ ایت ءُ ھرچ کس جھد بہ کنت چے ءَ اے گیدی کسہ بلوچ راج ءِ ھپشتی گاریں میراس انت گیدی کسہ مئے بلوچ راج ءِ راجدپترءَ پیش دار ایت اے گپ وتی جاگہ ھم ھست انت کہ زوراکیں دھر ءِ سرمِک ءُ لیٹ ءُ پلیٹاں اے گیدی کسوانی بنگشی یا پیشی دروشم بلکیں آ پیم ءَ پش نہ کپتگ انتءُ آ وڑ ءَ مہ بنت بلے سینہ پہ سینہ پہ ما مئے پیریناں آورتگ ءُ سر کتگ انت ءُ پہ ما رس اتگ انت کہ اے گیدی کسہ مئے راجدپتر ءَ پیش دار انت چش کہ کسو یا داستانءِ گوشگ یک ھنچوشیں چیزے کہ آ گوں راجانی زند ءُ جاورھالاں ھمگرنچ انت ءُ راجی چاگرد ءُ زندمان ءِ ھمراہ انت، ھمے پیم ءَ۔
ھمک راج ءِ وتی وتی گیدی کسہ ءُ داستان بنت ءُ بلوچی گیدی کسہ منی نزءَ گوں دگہ راجانی گیدی کسھاں ھمگرنچی نہ کن انت اگاں جاھے جاھے اے دگہ راجانی گیدی کسہ گوں بلوچی گیدی کسھاں ھمگرنچی کن انت گُڑا باز کم چےءَ کہ بلوچ راج ءِ دودءُ ربیدگ ءُ چاگرد ءُ جاور ھال چہ اے دگہ راجاں جتا انت پمیشکا مئے گیدی کسہ ءُ داستان مئے وتی چاگرد ءُ مئے وتی زانتکاریں کواس ءُ واجھیں کماش ءُ آریپیں پت ءُ بی بی ایں بلک ءُ مکھیں مات ءُ ھاتونیں گوھارانیگ انت ءُ مئے گیدی کسھانی جتائیں رنگ ءُ دروشم انت، ءُ مئے گاریں راجدپترءِ گاریں داستان انت ما وتی گوستگیں جاورھالاں چہ ھمے گیدی کسواِنی کمک ءَ شوھاز ات کنیں ،اے گیدی کسہ مئے راجدپترءِ گاریں چاگرد ءِ جاورھال انت۔

الی جما زامرانی ءِ گیدی کسہ تاھر رھمان ءَ پہ ما راھ داتءَ چہ فیسبک تاکءِ ان بکسءَ۔
شماء اوں وتی کسہ ءُ دگہ نبشتانکاں ادءَ نبشتہ کت کنے، یا کہ ای میل بکن اتءِ۔
info@balochpedia.com
balochpedia@gamil.com

اے تاک ءَ سوشل میڈیا ءَ شنگ کنئے


« ( (Previous Post) پشتءِ نبشتانک )
((Next Post) دیمءِ نبشتانک ) »



Leave a Reply

Your email address will not be published. Required fields are marked *