Main Menu

سائبر کرائم

اے نبشتانکءِ تہا من شمارءَ سائبر کرائم ءِ بابتءَ سرپدی دایاں۔ درستاں چے پیسر اے المیں کہ ما سر پد بے بیں کہ سائبر کرائم چیءِ؟ چوں سائبر کرائم کنگ بیتں؟ او سائبر کرائم چے  چوں وتءَ پہریز کت کنیں۔

سائبرکرائم چیءِ؟

سائبر کرائمءِ معنا آن لائن  ھراب کاری۔ ھرچ ھما ھراب کاری او سل کاری کہ مرچی باندات انٹرنیٹ ءَ بئیگاینت آئیءَ سائبر کرائم گشنت۔ من گوں لہتے مثالاں چے شمارءَ گیشتر آگاہی دیگءِ کوشیست کناں۔ باز وہدءَ شما اش کتءَ کہ د ُزیءَ کسی بینکءِ پیسہ وتی اکاؤنٹءَ  ٹرانسفر کتگاں۔ او یا کے یکیءِ کریڈٹ کارڈ کارمرز کنگ بیت بغیر مالکءِ اجازتءَ چے۔ یا کے ملکانی رازداریں کاگزات دوزی کنت بیتگ ءُ شنگ کنت بیتگاں۔ یا کہ کسی ءِ عکس گوں گلتیں رنگیءَ شنگ کنت بیتگاں۔ ما اے وڈا گشت کنیں کہ ھما سل کاریءُ ھراب کاری کہ چہ انٹرنیٹ ءَ کنگ بیتیں، آئیءَ سائبر کرائم گوشنت۔

سائبر کرائم چوں کنگ بیتں؟

سائبر کرمنل یا کہ انٹرنیٹ ھراب بازیں وڈیءَ چے مردمانی  یا کہ کمپنیانی پجارءَ دوزی کننت ، او ھمے پجار کارمرز کنت مردمانی یا کہ بینکءِ کلکدارں دوزنت۔ یک وڈے ھمیشیں کہ ھیکراں (انٹرنیٹ د ُزاں) انچیں سوفٹ وئر جوڈ کتگ کہ آسانیں پاسورڈاں سوچیت کننت۔  او ھیکر ھمئے پاسورڈاں چے مردمانی یا کہ کمپنیانی اکاؤنٹاں چے کارمز کنتیں۔ مرچی باندا  مردامانی سرءَ ای میلءَ چے ویب سائیٹ لنک راہ دنتیں۔ اکاؤنٹ ءِ کارمرز کنوکءَ لالچ دنتیں کہ تئی نامءَ کلدار اتکءَ، تو لاٹریءِ کٹیتءَ، یاکہ ویڈیو  تئی سرءَ اتک، ھمے واڈیں کلوہ راہ دنتیں کہ مردم لالچءَ بیت۔ تو کہ وہدے ہمے لنکءَ کلک کنے گڈا تو انچیں تاکیءَ راوائے کہ ترا تئی یوزر نیم او پاسورڈاں جست کنتیں۔ ہر وہدے کہ وتی یوزر نیم او پاسورڈاں کارمرز کنے، گڈا تئی یوزر نیم پاسورڈ ھیکرءَ دست کپنتیں، پرچہ اے تاکءَ اسلی تاکے نیئں۔ باز وہدءِ مردمانی سراءَ ای میل راہ داینت او ھمے ای میل گوں یک وائرسءِ ھوار کننت گوں، ھر وہدے کہ تو ھمے فائل (اٹیچمنٹ) ءَ کہ کلک کنے، ھمے وائرس تئی کمپیوٹر یا کہ فونءِ تہا انسٹال بیت۔ انسٹال بئیگا پد گڈا تئی کمپیوٹر یا فون ھیکر ءِ کارمرز کیتیں۔  ھیکر ھرچی بلوٹیت کت کنتیں۔

ھیکر یا انٹرنیٹ دوزاں وتءَ چے چوں رکین کت کنءِ؟

اولی – وتئی پاسورڈءَ آسان مکن، بلکیں وتئی پاسورڈ تہا لبز، نمبر، دگہ ھاسیں نشاناں ھوار بکن۔

دومی-  کوشیست بکن کہ بے نامیں، یاکہ غیر محفوظیں وائی فائیءَ کارمرز مکن۔ پرچہ کہ اے پچیں وائی فائی ھکرانی واستءَ آسان ایں جاگہاں کہ دگرانی کمپیوٹریا کہ فونانی تہا شت بکننت۔

سئمی۔  ای میل ءِ لنک ءِ کلک کنگءَ پیسر شر شر پٹ ءُ پول بکن کہ ای میل کیا راہ داتءَ او ترا گوں راہ دیوکءَ گوں چے تعلقیں؟

چارومی-  ای میلءِ ھواریں فائلاں (اٹیچمنٹاں)  کلک کنگ پیسر  پٹ ءُ پول بکن کہ ای میل چہ ھیکریءَ چے نہ یتکءَ۔

پنچمی- وتئی ای میلءُ پاسورڈاں کسءَ مدے۔ اگاں کسے تئ ای میل ءُ پاسورڈاں لوٹیت بزان کہ ھراب کارءِ۔ پرچہ ھچ کمپنی تئی پاسورڈءَ جست نہ کنت۔

ششمی-   درستاں چے شرتر ھمشیں کہ وت سریں لنکاں کلک مکن کہ تو نزانیءِ۔ پمشکہ گشنت کہ پہریز چہ علاج شرتریں۔

مئے نبشتانکءِ باروءَ وتئی ھیال درشان کنگءِ واستءَ جہلءَ کمنٹس بکسءَ  نبشتہ بکنءِ۔

اے تاک ءَ سوشل میڈیا ءَ شنگ کنئے


((Next Post) دیمءِ نبشتانک ) »



One Comment to سائبر کرائم

  1. سائبر سیکورٹی یک بلاہیں جنجالے مرچی باندءَ۔ باز جوانیں نبشتانک سائبر کرائمءِ باروا۔

Leave a Reply

Your email address will not be published. Required fields are marked *