Main Menu

بچار مرد کہ رمزان اِنت – حنیف گُلزارؔ

نان ء ُ آپ ءَ پابندئے بچار مرد کہ رمزان اِنت
گُژن ءُ تُنّ ءَ سک ژندئے بچار مرد کہ رمزان اِنت

قدر ءِ شپ ءَ تو نندئے زوریں ارس ءُ امپان ئے
گریوئے وَسرا کندئے بچار مرد کہ رمزان اِنت

لِبز چو شیرءَ اسپیت اَنت، نُک تئی ھُشک اِنت ناھُکّءَ
ھُشکیں لُنٹاں بچکندئے بچار مرد کہ رمزان اِنت

ناں تُرابی یے وان ئے ناں نُماز ءَ گندگ بئے
کُچکءَ دپ ءَ بندئے بچار مرد کہ رمزان اِنت

دَپّچ ئے تو ھرکَس زانت کَمُّک یے ھیال گْور کَن
چو مَہ کن تو سک گندئے بچار مرد کہ رمزان اِنت

بے اِبابت ءَ اِزمُکؔ مُپتءَ روچَگ ءِ زاناں
چو سوابی اشکندئے بچار مرد کہ رمزان اِنت

پیسرا ترا دیستگ مرچاں ھِچ نبئے گِندگ
گُلزارؔ ھال کن زندئے بچار مرد کہ رمزان اِنت

اے تاک ءَ سوشل میڈیا ءَ شنگ کنئے


((Next Post) دیمءِ نبشتانک ) »



Leave a Reply

Your email address will not be published. Required fields are marked *