Main Menu

بلوچی ماں لهتیں بتل اے وڈ اِنت – شمیم دشتی

بلوچی ماں لهتیں بتل اے وڈ اِنت

گنجءِ پدر کُٹّیت بلے دستءِ هُنر نہ کُٹّیت؟
کاریگ ورنت نانءُ گوشت بے کار ورنت مُشت ماں گوش؟
آدینکءَ چارئے وتءَ گِندئے کتابءَ چارئے دنیاءَ گِندئے؟
ژانگگ سرّگ کہ حرءِ هیل اِنت نزانت بیگاه یہ سُهبءِ بیل اِنت؟
باز کیمت بے حکمت نہ اِنت کم قیمت بے اِلّت نہ اِنت ؟
برات گوں براتءَ کہ یک بیت دریاءِ شُلنچگ واک بیت؟
داں زندگ ات هولمبے نہ دات مچّی.مُرتگ نی حوشے مہ گورئے تنّچی؟
منزلءَ رسگ لوٹ ئے چہ سئے چیزاں بزور بِزاں. تپاکی.زانتکاری ءُ جُهد؟
جاهلیں کؤمءِ مستریں نشانی اِیش انت کہ آ هر وهدءَ وت ماں وتی جنگءُ جیڑهاں گلائیش اِنت؟
بے وفا کوهءِ سورگیں پِش انت مردمءَ نیمراهءَ مُدام دُروهیت؟
پہ راجانی گُلام دارگءِ واستا مستریں سلاهاں هیرونءُ دگہ سِلیں نِشہ انت؟
کؤمی زندمانءِ عاکبت گوں هوری. تپاکیءُ زهمت کشّیءُ همگرنچ اِنت؟
آ راج کہ وتی کّواس ءُ کار زانت تچکءُ ایمانداریں مرردمانی کدرا نہ کنت آشوم اِبت؟
آ کؤم کہ وتی ماتی زُبانءِ اهمیتءَ مزانت بِزاں وتی اهمیتءَ نہ زانت؟
داں راست پّدر بہ بیت دروگ جهانے سوچیت؟
دروگ بنداں ننگ بیت. راستیناں کناں جنگ بیت؟
ساهگ اگاں پہ آپ ءَ تربیت نادان گُڈا پہ گشتنءَ شر بیت؟
ماں دپءَ جنگانی بٹاک وش اَنت دوست هما انت کہ سّکیاں بیا ینت؟
داداں هما مرد دینت پیریں پِتاں داد داتگنت؟
هالءِ آرگا وش وارئے کارءِ باریگءَ بے وارئے؟
آپ جانءَ پاک کنتءُ راستی دلءَ پاک کنت؟
چاتءَ جنءِ پہ برادلءَ روچے کپ ئے وت المّءَ؟
تو اگاں جهانءَ سُرینگ لوٹ ئے . پیسر چہ جاهءَ بہ سُر؟
ماهءَ نِندے ماه بئے دیگءَ نِندئے سیاه بئے؟
جنگ هما کوهنیں گُداِنت چانکی تچکءَ نہ روت؟
شال اگاں جنڈے.اسپر اگاں ڈوڈے واجہ ئی دؤر دنت بیرگیں هوڈے؟
انسان پہ ادب ادب چہ زانگ زانگ چہ وانگ؟
پنڈُکی هیتاں لاک کمیت پزور نہ بنت اگاں پزور بنت بلے تردوک نہ بنت؟

اے تاک ءَ سوشل میڈیا ءَ شنگ کنئے





Leave a Reply

Your email address will not be published. Required fields are marked *