Main Menu

مئے بابت

بلوچ پیڈیا ویب سائیٹ ءِ جوڈ کنگءِ  اولی متاہ بلوچی زبانءَ ڈیجٹلائیز کنگی انت۔ بلوچی راج دپترءَ مدامی واستءَ بے گواہیءَ چے رکینگی انت۔ مئے اولی مول ھمیشیں کہ ما بلوچ راج دپتر، شائری، آزمانک او آدگہ نبشتانکاں یک ڈیٹابیسءِ تہا مچ بکنیں۔ او کجام ھندءُ دمگاں بلوچی وانکوکءِ کہ بیت آ ئیءَ بلوچی زبانءِ درستیں مواد یکیں جاہءَ داست کپ انت۔

گوں لہتے بلوچی زبانءِ وانکوکاں گوں مشورہ ءَ پد مئے ہمے فیصلہ کت کہ ما انی ویب سائیٹ ایوکءَ راج دپترءِ واستءَ مکنیں، پرچہ ہر کسءَ راج دپترءِ ھبءُ واھشت نیست۔ ہمے واستءَ ما  تاکءِ تہا روزگار، وانگءُ زانگ او دگہ تاک ھور کتءَ۔

اے مئے جہدءِ بنداتیں، ما وتی جہدءَ پا بلوچ، بلوچی او بلوچستان ءِ واست ءَ جاری کنیں۔اے مئے راجی تاکیں، ما شما درست ہم کوپگ بئیں او اے تاکءَ دیمءَبریں۔ شمئے بہر زورگءَ اے تاک دیم راوی کنتیں۔ مئے تاکانی تہا باز گلتی است بیت کنتیں، ما گوں شمارءَ دست بندی کنیں کہ مئے گلتیاں درست کنگءِ واست گوں الما ء رابطہ بکنے۔ او اگاں  شماء لوٹے کہ اے تاکءِ تہا دگہ مواد ہوار بےبیت، گڈا شما ء مارا وتی سوجاں المیاء راہ بدیءِ، پرچہ اے شمئے وتی راجی تاکیں۔  شماء رابطءَ  وتی کلوہاں نبشتہ کنے او پما  راہ بدی ایتءِ۔ ما شمئے سوج ءُ کلوہانی واداریگیں۔

او اگاں شماء وتی نبشتانکاں تاکءِ تہا ہوار کنگ لوٹے گڈا  درستاں چے پیسر وتی  اکائونٹ ءِ جوڈ بکنے۔  تاکءَ برزءَ رجسٹر بٹن زور دئے گُڈا  شمارا اکائونٹ جوڈ کنگے تاک دست کپی ات۔ رجسٹر کنگ ءَ پد گڈا شما بہر زرت کنے۔  ما شمارءَ ھمے دست بندی کنیں کہ ھچ ملک، راج، دین او زات ھلافءِ نبشتہ مکن ات۔ پرچہ کہ ہرچ ملکءَ  تاکءِ بند کنگءِ تاکت استیں۔ او ما نہ لوٹیں انت کہ مئے راجی تاک بند بے بیت۔ ما امیت کنیں کہ شماء زمہ واری زورے ءُ اے تاکءِ دیم راوی ءِ واست وتی جہدءَ جاریءُ ساڈی کن ات۔

گوں شمارءَ دست بندی ایں کہ تاکءَ گوں دگءَ راج دوست ءُ زبان دوستاں گوں شنگ بکنے۔ شمئے وتی بلوچی تاک بلوچ پیڈیا

Email: info@balochpedia.com

اے تاک ءَ سوشل میڈیا ءَ شنگ کنئے